Bases legais do sorteo da XLIII Festa da Troita de A Pontenova

Organización

Turismo de A Pontenova organiza o sorteo da XLIII Festa da Troita de A Pontenova.

Participantes

Poderá participar calquera persoa residente en España.

Como participar

Publicando unha imaxe ou varias da túa presenza na XLIII Festa da Troita de A Pontenova en Facebook ou Instagram e etiquetando a Turismo de A Pontenova. Se por motivos de privacidade da conta participante non resulta posible comprobar a súa participación, non se contará como válida.

Prazo de validez do sorteo

O sorteo estará activo ata o día 2 de maio ás 23:59 horas.

Premios

Haberá 3 premiados e cada persoa ganadora levará o seguinte premio:

1 mosca de salmón elaborada por José Antonio Vinuesa (“Vinu”), un chaveiro e un bolígrafo da XLIII Edición da Festa da Troita (CIT A Pontenova).

Data de publicación das persoas ganadoras

As tres fotografías ganadoras serán elixidas por sorteo coa aplicación Sortea2 e comunicarase o 3 de maio en Facebook e na conta de Instagram de Turismo de A Pontenova.

Entrega dos premios

Para a súa entrega solicitaremos que as persoas ganadoras se poñan en contacto a través da conta de Instagram ou Facebook oficial de A Pontenova, facilitando os seus datos de contacto. Tras isto, acordaremos o envío do premio ou unha data para a súa recollida, en función da preferencia das persoas ganadoras.

Cláusulas específicas

Aceptación das bases

A participación no sorteo supón a aceptación expresa do participante das bases do sorteo, así como do clausulado. O incumprimento de calquera destas bases por parte do participante, determinará a súa descalificación.

Protección de Datos

Os datos dos participantes trataranse conforme ás disposicións do Regulamento (UE) 2016/679 do Parlamento Europeo e do Consello, do 27 de abril de 2016, relativo á protección das personas físicas no que respecta ao tratamento de datos persoais. A indicación dos datos persoais do ganador terá carácter obrigatorio para a xestión do premio.

Funcionamento do sorteo

“Turismo de A Pontenova”. resérvase o dereito a modificar algunha cláusula ou condicións do sorteo, sempre e cando se deba a un funcionamento incorrecto do mesmo e que o obxectivo sexa correxilo. Facebook e Instagram non patrocinan, nin avalan, nin administran, nin están asociados de forma algunha con este sorteo.