Mil e unha viaxes en tan só seis camiños

Se hai algo que caracteriza as rutas de sendeirismo de A Pontenova é que son totalmente diferentes unhas de outras.

En cada unha das rutas hai un atractivo diferente respecto o do resto:

• Se o que buscamos é facer unha ruta moi sinxela para desfrutar en familia cos nenos, podendo facela tanto a pé como en bicicleta, decantarémonos pola Ruta do Ferrocarril.

• Se o que queremos é sumerxirnos na historia do noso pobo vendo in situ as diferentes instalacións mineiro-industriais que aínda se conservan; ou queremos ir en busca de aventura, atravesando a imponente entrada de Mina Consuelo, debemos facer a Ruta dos Fornos ou a Ruta das Minas.

• Se o que nos chama é o contacto máis directo coa natureza, poderemos escoller entre a Ruta de As Reigadas (se só buscamos o contacto coa natureza adentrándonos no corazón desta inmensa fraga), ou a Ruta da Seimeira (se, ademáis de natureza, queremos ver tamén a arquitectura tradicional dun dos pobos con máis encanto desta zona: Vilarxubín).

• Se, pola contra, queremos ver unha fervenza enclavada nun entorno cheo de árbores senlleiras, pero non queremos camiñar moito, a nosa elección será a Ruta da Férrea.