Un elemento fundamental do noso imaxinario colectivo

Moitos anos despois do peche da explotación mineira  e do desmantelamento do tren de viaxeiros, no imaxinario colectivo dos veciños/-as de A Pontenova aínda está moi presente todo o que supuxo na época o arranque dunha explotación mineiro-industrial e a chegada do tren a unha zona rural e practicamente incomunicada coa costa.

Incluso as xeracións máis novas, que xamáis viron o tren funcionando, aínda manteñen presente o recordo das historias arredor da actividade na mina ou das viaxes en tren que escoitaron contar a seus avós e a súas avoas.