Un pasado… moi presente

Unha forma de poñer en valor e sacar á luz gran parte do patrimonio mineiro-industrial que aínda se conserva é procedendo a súa rehabilitación e e orientación hacia novos usos incentivando a súa transformación en productos turísticos e de ocio.

Entre todos os traballos de recuperación e rehabilitación que se foron levando a cabo en diferentes épocas destacamos:

• A rehabilitación no ano 1989 da batería de 5 fornos de calcinación do grupo de Minas de Vilaoudriz.
• A rehabilitación da antiga estación de tren destinándoa, nun primeiro momento a casa de cultura, e anos máis tarde, a oficina de turismo.
• A remodelación no ano 2010 da “Praza dos Fornos” humanizándoa e facéndoa peonil.
• Na actualidade, estanse rematando os traballos de rehabilitación do forno de Boulloso e as súas instalacións circundantes (tolvas de carga, túnel do Boulloso, etc…).
• Tamén se vai levar a cabo a instalación dunha tirolina xigante no mesmo lugar por donde orixinalmente pasaba o cable do antigo “tranvía aéreo”.
• Por outra banda estanse a acometer os estudos necesarios para poder realizar o acondicionamento dunha das galerías da antiga Mina Consuelo para facela visitable ao público en xeral.